• Official Website of Province of Agusan del Norte
Home

SEGURIDAD SA MGA BATA, HUGOT NGA IPATUMAN

alt

Seguridad sa mga bata nga sakay sa mga motorsiklo hugot nga ipatuman
 
Ang lokal nga panggamhanan sa Agusan del Norte hugot nga magpatuman na sa saktong pagpasakay og mga bata sa motorsiklo nga maoy usa sa mga hinungdanan sa disgrasya sa probinsya sa Agusan del Norte human gi – aprobahan sa Sangguniang Panlalawigan ang Provincial Ordinance No. 526-2019.
 
Nakita sa mga lokal nga opisyal ang nagkadakong porsyento o ihap sa mga aksidente, base sa report sa Philippine Statistics Authority nga mokabat sa 671 ka bata ang namatay kada tuig mahitungod sa road crashes gikan 2006-2014, taliwala sa mga bata, ang labing huyang mao ang mga 5-9 anyos ug ang mga 10-14 anyos.
Matod pa ni Provincial Board Member Lorito Q. Maragañas, kinsa maong nangamahan sa maong ordinansa nga kinahanglan nga mapamenos o mawagtang ang mga aksidente sa samang matang alang sa kaluwasan sa drayber ilabina ang bata nga nagsakay sa motorsiklo sa ingon nagpasiugda sa kaluwasan ug kaayohan sa mga kabataan sa lalawigan sa Agusan del Norte.
 
Ubos sa maong Provincial Ordinance Section 4,ginadili ang pag drive sa motorsiklo nga adunay sakay nga bata sa dalang publiko ug highways gawas kung
 
a. ang bata nga pasahero komportableng nakakab-ot ang iyang mga tiil sa standard foot peg sa motorsiklo.
b. ang mga bukton sa bata makaabot sa palibot ug maabtan ang hawak sa drayber sa motorsiklo.
c. ang bata nagsul-ob sa usa ka standard protective helmet nga gihisgutan ubos sa RA 10054, nga gitawag usab nga "Motorcycle Helmet Act of 2009."
 
Ang maong exemption lamang kung ang bata nagkinahanglan dayon og medikal nga atensyon o naa sa emerhensiya.
 
Ang bisan kinsa mang makalapas sa Seksyon 4 sa maong ordinansa pagamultahon sa mosunod: Unang paglapas – Duha ka libo (P2,000.00),Ika – duhang paglapas- Tulo ka libo (P3,000.00) ug ang ika-tulong paglapas – Lima ka libo (P5,000.00).
 
Ang LTO sa ingon gihatagan og awtoridad sa pagdumala sa mga sakop sa PNP ug LGU sa pag-deputize sa mga traffic enforcer aron sa estriktong pagpatuman sa ordinansa.
<